OMM Redaksiyası
Bir neçə dron Omanın şərqindəki Duqm ticarət limanında yanacaq çənlərinə hücum edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, həmin çənlərdən birinə zərbə endirilib.
Hücum nəticəsində dəyən ziyan lokallaşdırılıb və itki olmayıb.
Duqm Ərəbistan dənizində fəaliyyət göstərən ABŞ Hərbi Dəniz Qüvvələrinə məxsus "Abraham Linkoln" təyyarədaşıyan gəmisi üçün mühüm təchizat limanıdır.
Xatırladaq ki, İsrail və ABŞ 28 fevralda İrana zərbələr endirməyə başlayıblar. İran buna cavab olaraq bölgədəki İsrail və ABŞ hərbi bazalarını və enerji obyektlərini hədəf alır .
