Ukraynanın Odessa vilayətində taxıl və kənd təsərrüfatı avadanlıqlarının saxlanıldığı terminal raket hücumuna məruz qalıb.
"Operativ Məlumat Mərkəzi-OMM" xarici KİV-ə istinadən xəbər verir ki, terminal “Kalibr” raketləri ilə vurulub.
Rəsmi Kiyev hücumun taxıl sazişinin müddətinin başa çatması ilə əlaqəli olduğunu bildirib.
Hadisə zamanı 100 ton noxud və 20 ton arpa məhv olub.
Partlayış nəticəsində iki nəfər yaralanıb. Onlara bütün lazımi tibbi yardım göstərilib.
Qeyd edək ki, Odessa vilayətinə artıq üçüncü gecədir ki, rus ordusu tərəfindən atəşə tutulur.
Hücumlar zamanı əsasən, limanlar, dayaqlar və ticarət şəbəkələri hədəfə alınır.
