Daha öncə xəbər verdiyimiz kimi, Ermənistanın baş naziri Nikol Paşinyan Azərbaycanla sülh müqaviləsinin bəzi prinsiplərini razılaşdırıb.
"Operativ Məlumat Mərkəzi-OMM" həmin prinsipləri təqdim edir:
Birinci prinsip ərazi bütövlüyünün qarşılıqlı tanınmasıdır. Beləliklə, Bakı Ermənistan Respublikasının 29,8 min kv.km sahəsi olan ərazisini, İrəvan isə 86,6 min kv.km olan Azərbaycan ərazisini tanıyır.
İkinci prinsip: Tərəflər Almatı bəyannaməsi əsasında sərhədin delimitasiyasını həyata keçirmək barədə razılığa gəliblər. Yəni, tərəflər ondan çıxış edirlər ki, sovet respublikalarının inzibati sərhədləri artıq ölkələrin dövlət sərhədləridir, ona görə də onların toxunulmazlığını tanımaq lazımdır.
Üçüncü prinsip isə ölkələrin yurisdiksiyasında fəaliyyət göstərməli olan regional kommunikasiyaların bərabərlik və qarşılıqlılıq əsasında açılmasıdır.
10:50 ***
“Azərbaycanla Ermənistan arasında sülh müqaviləsinin imzalanması reallığa çevrilə bilər”.
"Operativ Məlumat Mərkəzi-OMM" xəbər verir ki, bunu Ermənistanın baş naziri Nikol Paşinyan oktyabrın 30-da parlamentin iclasında deyib.
O bildirib ki, Azərbaycanla razılaşdırılmış 3 əsas sülh və nizamlanma prinsipi var: “Əgər bu prinsiplərə əməl olunsa, sülh müqaviləsinin imzalanması reallığa çevriləcək”.
