Dünyanın ən nəhəng platformalarından biri "Netflix" Hindistanda parol paylaşımını dayandırdığını açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, şirkət, hadisəni gəlirlərin azalması ilə əlaqələndirib.
Belə ki, "Netflix" hesablardan yalnız eyni evdə yaşayan insanlar tərəfindən istifadə edilməli olduğunu vurğulayıb. Qaydanı pozanlara isə e-mail vasitəsilə xəbərdarlıq edəcəyini bildirib.
Mayda platforma ABŞ, Fransa və Böyük Britaniya kimi böyük bazarlarda şifrə mübadiləsini dayandırıb. Lakin əlavə ödəniş etməklə kənardan üzv daxil etməyin mümkün olduğu qeyd olunub.
