Netanyahu: "Rəfaha qurudan hücum üçün tarix təyin olunub"

İsrailin baş naziri Binyamin Netanyahu ölkəsinin hücumlarından qaçan 1,5 milyon fələstinlinin sığındığı cənubdakı Rəfahda qurudan hücum üçün tarix təyin olunduğunu bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qəzzada məhbusları azad etməyi və HƏMAS üzərində qələbəni hədəflədiklərini ifadə edən Netanyahu bunun üçün Rəfaha hücumun zəruri olduğunu iddia edib.

İsrailin hücumlarından didərgin düşən 1,5 milyon insanın sığındığı Rəfah quru hücumu ilə bağlı Netanyahu, "Bu olacaq, bir tarix var",- deyə qeyd edib.