İsrailin baş naziri Benyamin Netanyahu ABŞ Konqresində mühüm çıxış etmək üçün səhər saatlarında Vaşinqtona yola düşüb.
"Operativ Məlumat Mərkəzi-OMM" xarici KİV-ə istinadən xəbər verir ki, Netanyahunun Vaşinqtona səfəri zamanı ABŞ Konqresində çıxış edəcəyi və bu səfər çərçivəsində ABŞ prezidenti Co Baydenlə görüşünün gözlənildiyi bildirilib.
Netanyahu səfəri “böyük siyasi qeyri-müəyyənlik” dövründə baş tutan “çox mühüm səfər” adlandırıb.
Baş nazir ABŞ-də noyabrda keçiriləcək seçkilərdə kimin prezident olmasından asılı olmayaraq, İsrailin ABŞ-nin Yaxın Şərqdəki ən güclü müttəfiqi olaraq qalacağını vurğulayıb.
Netanyahu təyyarəyə minməzdən əvvəl jurnalistlərə açıqlama verərkən, prezidentliyə namizədliyindən geri çəkilən Baydenə İsrail üçün etdiklərinə görə təşəkkür edib.
