Daşaltıda itkin düşmüş, nəşi 31 il sonra tapılmış Gülverdi Hüseynov dəfn olunur

Birinci Qarabağ müharibəsi zamanı Daşaltıda itkin düşmüş, nəşi 31 il sonra tapılmış Hüseynov Gülverdi Ağahüseyn oğlu ilə vida mərasimi başa çatıb.

"Operativ Məlumat Mərkəzi-OMM" xəbər verir ki, şəhidin nəşi dəfn olunması üçün Qobu qəbiristanlığına gətirilib.

13:35***

Abşeron rayonunun Qobu qəsəbəsində Birinci Qarabağ müharibəsi zamanı Daşaltıda itkin düşmüş, 31 il sonra meyit qalıqları tapılmış Hüseynov Gülverdi Ağahüseyn oğlu ilə vida mərasimi keçirilir.

"Operativ Məlumat Mərkəzi-OMM" xəbər verir ki, dəfn mərasimində mərhumun yaxınları, qəsəbə sakinləri, hökumət və ictimaiyyət nümayəndələri iştirak edirlər.

O, Qobu qəbiristanlığında dəfn ediləcək.