Naxçıvan Muxtar Respublikasında yol hərəkəti təhlükəsizliyinin səviyyəsini yüksəltmək üçün küçə və prospektlərdəki yol nişanlarına baxış keçirilib. Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) məlumatına görə, monitorinq zamanı normativ-texniki tələblərə cavab verməyən, yararsız və istismar müddəti başa çatan nişanlar müəyyənləşdirilib.
Aparılan təhlillər nəticəsində həmin nişanların müasir standartlara uyğun olanlarla əvəzlənməsinə qərar verilib. Hazırda Naxçıvanda bu istiqamətdə işlər icra olunur. İlkin mərhələdə artıq 650 yol nişanı yenilənib və proses davam etdirilir.
