Afət Ziyadqızı
NATO-nun baş katibi Yens Stoltenberq Ukraynada hadisələrin inkişafı üçün iki ssenari sadalayıb.
"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.
"İki ssenari ola bilər: Birincisi, NATO daha çox dəstəyi artıra bilər, ikincisi, biz dəstəyi artırmırıq və sonra Rusiyanın daha çox ərazi əldə etməsi riski var", - deyə Stoltenberq bildirib.
O, Ukraynaya daha çox yardımın səfərbər edilməli olduğuna diqqət çəkib.
Eyni zamanda, hərbi blokun lideri Kiyevə dəstək üçün hərbi xərclərin artırılmasına çağırıb.
Alyans rəhbəri Rusiyanın döyüş meydanında irəlilədiyini də vurğulayıb.
