Beş Kanada hərbçisi nasist salamı verdikləri üçün müvəqqəti olaraq xidmətdən uzaqlaşdırılıb.
"Operativ Məlumat Mərkəzi-OMM" xəbər verir ki, bu barədə Kanada Quru Qoşunlarının komandanı, general-leytenant Mayk Rayt CBS-ə açıqlamasında bildirib.
“Videoda müəyyən bir anda bəzi şəxslər nasist salamı verir. Hərçənd mənə bildirilib ki, bu hadisə 2023-cü ildə baş verib, bu hərbçilər inzibati və intizam cəzasına məruz qalacaq”, – deyə Rayt qeyd edib.
O əlavə edib ki, bu insident nəticəsində həmin hərbçilər ordudan xaric edilə bilərlər. Lakin xəbərdə vurğulanır ki, videodakı gənclərin fəaliyyət göstərən hərbçilər, yoxsa ehtiyatda olanlar olduğu hələ də dəqiqləşməyib.
