Almaniyanın Münhen şəhərinin şimalında səhər saatlarından bəri polis və yanğınsöndürmə qruplarının iştirakı ilə genişmiqyaslı əməliyyat aparılır.
"Operativ Məlumat Mərkəzi-OMM" xəbər verir ki, bununl abağlı xarici KİV məlumat yayıb.
Bildirilib ki, əməliyyata xüsusi təyinatlı qüvvələr və bomba zərərsizləşdirmə mütəxəssisləri də cəlb edilib.
Polis hadisənin Oktoberfest ilə əlaqəli ola biləcəyini ehtimal edir.
Qeyd olunub ki, dünyanın ən böyük festivallarından biri olan Oktoberfest təhlükəsizlik səbəbilə bağlanıb.
Vurğulanıb ki, şəhərdə bir neçə partlayış baş verib, həmçinin silah səsləri eşidilib.
Saat 04:40 radələrində yanğınsöndürmə xidmətinə ilk zəng daxil olub. Daha sonra partlayış səsləri ilə bağlı yeni çağırışlar edilib. Bir avtobusun tamamilə yanaraq kül olduğu bildirilib.
