Pakistanın Bannu şəhərində yerləşən polis məntəqəsi yaxınlığında dəhşətli partlayış baş verib. İlkin məlumatlara görə, hadisə nəticəsində 5 nəfər ölüb, 13 nəfər yaralanıb.
"Dawn" portalının yaydığı məlumata istinadən “Operativ Məlumat Mərkəzi-OMM” xəbər verir ki, xəsarət alanlar arasında bir polis əməkdaşı da var.
Məlumata görə, terror aktı partlayıcı maddələrlə doldurulmuş avtomobilin birbaşa polis məntəqəsinin arxa divarına çırpılması zamanı qeydə alınıb.
Güclü partlayış dalğası nəticəsində polis binasının divarı uçub, şüşələr sınıb. Eyni zamanda, yaxınlıqdakı evlər ciddi zədələnib ki, bu da mülki əhali arasında itkilərə səbəb olub.
Hazırda ərazidə axtarış-xilasetmə əməliyyatları davam etdirilir.
