Mozambikdə vəba epidemiyasına yeni yoluxanların sayı açıqlanıb

Mozambikdə başlayan vəba epidemiyasında son iki həftədə 1100 yeni yoluxma halı aşkarlanıb.

"Operativ Məlumat Mərkəzi-OMM" xəbər verir ki, bu barədə Mozambik Səhiyyə Nazirliyindən məlumat verilib.

Mozambikin şimalında baş verən epidemiya səbəbbindən son iki həftədə 2 nəfərin öldüyü bildirilib.

Digər tərəfdən, ölkənin şimalındakı bir çox bölgədə epidemiya riskinin olduğu vurğulanıb.

Xatırladaq ki, Mozambikdə 2022-ci ilin sentyabr ayında başlayan vəba epidemiyası səbəbindən indiyədək 153 nəfər ölüb, 40 mindən çox yoluxma halı qeydə alınıb.