Rusiya Azərbaycan və Ermənistanın sülh sazişi bağlamaq üçün siyasi iradəsini görür və bu addımı dəstəkləyir.
"Operativ Məlumat Mərkəzi-OMM" xəbər verir ki, bu barədə Kremlin sözçüsü Dmitri Peskov jurnalistlərə bildirib.
"Əhəmiyyətli olan odur ki, biz həm Bakıda, həm də İrəvanda hər iki tərəfdə siyasi iradənin olduğunu görürük. Təbii ki, biz bunu dəstəkləyirik. İnanırıq ki, belə bir sazişin imzalanması hər iki ölkə üçün faydalı olacaq",- deyə Peskov qeyd edib.
Kremlin sözçüsü bütün bölgədə sülh və sabitliyin təmin edilməsi lazım olduğunu söylədi.
Peskovun sözlərinə görə, Rusiya tərəfi bəyan edir ki, Ermənistan və Azərbaycan “sülh sazişi üzrə işi başa çatdırmağa doğru irəliləyir”.
"Ümid edirik ki, bu, ən qısa zamanda baş verəcək. Təbii ki, keyfiyyətdən ödün verməklə deyil. Ona görə də bu işin hamı ilə birlikdə tamamlanmasını gözləyirik", - o vurğulayıb.
