İran öldürülən Ali rəhbər Əli Xameneinin intiqamı alınana qədər hərbi əməliyyatları davam etdirəcək.
“Operativ Məlumat Mərkəzi-OMM” "Tasnim"ə istinadən xəbər verir ki, bu barədə İran Məsləhət Şurasının üzvü və Ali İqtisadi Koordinasiya Şurasının katibi Möhsün Rzayi açıqlama verib.
SEPAH-ın sabiq komandanı olan Rzayi vurğulayıb ki, hərbi əməliyyatların sürət və şiddəti artırılır. O əlavə edib: "Bölgədəki xarici gəmilərə və hərbi bazalara ağır zərərlər vurulandan sonra qüvvələrin geri çəkilmə və yerdəyişməsi müşahidə olunur".
Möhsün Rzayinin sözlərinə görə, ABŞ və İsrailin hərbi bazalarına dəyən ziyanın miqyası əhəmiyyətli dərəcədə artıb.
Xatırladaq ki, ABŞ və İsrail 28 fevralda İrana qarşı hərbi əməliyyata başlayaraq respublikanın şəhərlərinə hava zərbələri endirib. Hücumlar nəticəsində İranda bəzi yüksəkvəzifəli şəxslər, o cümlədən ölkənin Ali rəhbəri Əli Xamenei həlak olub.
