Misirin xarici işlər naziri Sameh Şükri 10 ildən sonra ilk dəfə Türkiyəyə səfər edəcək.

"Operativ Məlumat Mərkəzi-OMM" “TRT Haber”ə istinadən xəbər verir ki, XİN başçısı Kahramanmaraşda baş verən zəlzələ ilə bağlı həmrəylik ifadə etmək və başsağlığı vermək üçün 27 fevral tarixində Türkiyəyə səfər edəcək.

Şükrinin Adanaya və humanitar yardım daşıyan Misir gəmisinin gələcəyi Mersin limanına baş çəkəcəyi və həmkarı Mövlud Çavuşoğlu ilə ikitərəfli görüş keçirəcəyi gözlənilir.

Ermənistanın baş naziri Nikol Paşinyanın Rusiyanı “hakimiyyəti qəsb etməyə” hazırlaşdığı barədə ittihamları təxribatdan başqa bir şey deyil.

"Operativ Məlumat Mərkəzi-OMM" xəbər verir ki, politoloq və jurnalist Yuri Svetov 360.ru yayımında bildirib ki, o, özünü Qərbə yönəltməyə çalışır, eyni zamanda Rusiya ilə əməkdaşlığın faydalarını itirməməyə çalışır.

Onun sözlərinə görə, hər şey Paşinyanın 2018-ci ildən bəri davam etdirdiyi və mümkün qədər Rusiyanın təsirindən uzaqlaşmağa çalışdığı siyasətlə bağlıdır.

Türkiyə Milli Kəşfiyyat İdarəsi (MİT) İraqın şimalındakı Qara bölgəsində yeni əməliyyat keçirib.

"Operativ Məlumat Mərkəzi-OMM" xəbər verir ki, bu barədə Türkiyə KİV-i məlumat yayıb.

Bildirilib ki, əməliyyat PKK/KCK terror təşkilatının rəhbərlərindən biri olan Halil Yiğit öldürülüb.

Əməliyyatın təfərrüatları hələ ki açıqlanmayıb.

Bu il dekabrın 1-dən Moskva hava limanlarında Rusiyaya gələn əcnəbilərin foto və barmaq izinin identifikasiyası proseduruna başlanılacaq.

"Operativ Məlumat Mərkəzi-OMM" xəbər verir ki, bu barədə "Kommersant"a Rusiya daxili işlər nazirinin birinci müavini Aleksandr Qorovoy məlumat verib.

"Bu, hələ ki eksperimentdir. Alqoritmin aprobasiyasından sonra hökumət Federal Təhlükəsizlik Xidmətindən olan həmkarlarla birlikdə onun bütün sərhəd keçidlərində tətbiq edilməsini nəzərdən keçirəcək", - o bildirib.

A.Qorovoy qeyd edib ki, eksperimentin aparılması üçün Moskvanın seçilməsi onun xarici vətəndaşlar üçün ənənəvi cazibə mərkəzi və iri nəqliyyat qovşağı olması ilə şərtlənib.

Eyni zamanda, analoji nəzarət sistemi Qazaxıstanla sərhəddə yerləşən Orenburq vilayətindəki Maştakovo avtomobil keçid məntəqəsində də tətbiq olunacaq.

Rusiya hakerlərinin Ermənistan Baş naziri Aparatının məlumat bazasına hücumu barədə məlumatlar yoxlanılır.

"Operativ Məlumat Mərkəzi-OMM" xəbər verir ki, bu barədə Ermənistan hökumətinin başçısı Aparatının İnformasiya və ictimaiyyətlə əlaqələr idarəsinin rəisi Armen Xaçatryan bildirib.

"Hazırda bunun təsdiqi yoxdur", - Xaçatryan deyib. Xatırladaq ki, Rusiyanın haker qruplarından biri FTP ötürmə sistemi vasitəsilə Ermənistan Baş nazirinin Aparatının məlumat bazasına daxil ola bildiyini bildirib. "Bizim əlimizdə məlumatlar bazası var", - hakerlərdən biri deyib. Hakerlər Ermənistan hökumətinin yaxın 2,5 saat ərzində onlara 48 milyon dollar köçürməyəcəyi təqdirdə məlumatların silinəcəyi barədə təhdid ediblər.

İran prezidenti Məsud Pezeşkian Livanda baş verən son peycer partlayışlarını Qərb ölkələri üçün biabırçılıq adlandırıb.

"Operativ Məlumat Mərkəzi-OMM" xəbər verir ki, İran liderinin sözlərini İRNA agentliyi sitat gətirib.

İran prezidenti deyib: “Belə bir hadisə öz qeyri-insani məqsədlərinə çatmaq üçün hər şeyə hazır olan Qərb ölkələri, xüsusən də ABŞ üçün utancvericidir”.

İran lideri vurğulayıb ki, bu cür hadisələr Vaşinqtonun “bütün cinayətlərində” Təl-Əvivi dəstəklədiyini göstərir.