Ermənistanın xarici işlər naziri Ararat Mirzoyan Avropa İttifaqının (Aİ) xarici və təhlükəsizlik məsələləri üzrə ali nümayəndəsi Cozep Borrel ilə Aİ ilə viza rejiminin liberallaşdırılması üzrə dialoqun başlanmasını müzakirə edib.

"Operativ Məlumat Mərkəzi-OMM" Ermənistan Xarici İşlər Nazirliyinin mətbuat xidmətinə istinadən xəbər verir ki, erməni nazirin Avropa diplomatiyasının rəhbəri ilə görüşü Dubrovnik Forumunda keçirilib.

Görüşdə Ermənistanın Aİ ilə tərəfdaşlığının gündəliyi məsələlərinə baxılıb. Həmsöhbətlər həmçinin beynəlxalq və regional təhlükəsizlik məsələləri ilə bağlı fikir mübadiləsi aparıblar, problemlərin güc yolu ilə həlli praktikasının mənfi nəticələri və beynəlxalq hüququn fundamental prinsiplərinə hörmətin zəruriliyi qeyd olunub.

Ermənistan-Ukrayna münasibətləri, eləcə də regional məsələlər Xorvatiyada keçirilən görüşdə iki ölkənin xarici işlər nazirləri Ararat Mirzoyan və Dmitri Kuleba tərəfindən müzakirə edilib.

"Operativ Məlumat Mərkəzi-OMM" xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb.

Ararat Mirzoyan və Dmitri Kulebanın danışıqları Dubrovnik Forumunda keçirilib.

Nazirlər Avropa İttifaqı ilə əməkdaşlığa dair fikir mübadiləsi aparıblar.

Mirzoyan həmçinin Azərbaycanla münasibətlərin nizamlanması prosesini təqdim edərək, Bakı ilə regional təhlükəsizlik kontekstində müqavilənin imzalanmasının vacibliyini bildirib.

Ermənistan Müdafiə Nazirliyinin hərbçisi Zəngəzurda hərbi hissələrdən birində David Vaxani Nersisyan adlı əsgər qeyri-döyüş şəraitində ölüb.

"Operativ Məlumat Mərkəzi-OMM" “Aysor”a istinadən xəbər verir ki, bu barədə Ermənistan Müdafiə Nazirliyi məlumat yayıb.

Bildirilib ki, o, qəflətən özünü pis hiss edib. Hərbçini hospitala yerləşdirilib və orada ölüb.

Hadisə ilə bağlı cinayət işi başlanılıb.

Ermənistan Təhlükəsizlik Şurasının katibi Armen Qriqoryan Fransaya işgüzar səfəri çərçivəsində ölkə prezidentinin xarici işlər üzrə müşaviri Emmanuel Bonnla görüşüb.

"Operativ Məlumat Mərkəzi-OMM" Ermənistan KİV-ə istinadən xəbər verir ki, görüş zamanı regiondakı vəziyyət müzakirə olunub.

Görüşdə Ermənistan və Fransa arasında ikitərəfli münasibətlərin inkişafı prosesi, həmçinin ikitərəfli və çoxtərəfli platformalarda əməkdaşlıq məsələləri müzakirə edilib.

Ermənistanın xarici işlər naziri Ararat Mirzoyan KTMT XİN Şurasının Almatıda keçiriləcək iclasında iştirak etməyəcək.

"Operativ Məlumat Mərkəzi-OMM" xəbər verir ki, bu barədə “Armenpress”ə Ermənistan Xarici İşlər Nazirliyinin mətbuat katibi Ani Badalyan bildirib.

Qeyd edək ki, iyunun 21-də Almatıda Qazaxıstan Baş nazirinin müavini - xarici işlər naziri Murat Nurtleunun sədrliyi ilə KTMT Xarici İşlər Nazirləri Şurasının iclası keçiriləcək.

İclasda beynəlxalq və regional təhlükəsizliyin aktual məsələlərinin müzakirəsi planlaşdırılır.

Görüşün yekununda KTMT-nin fəaliyyətinin daha da təkmilləşdirilməsinə yönəlmiş sənədlərin imzalanacağı, bir sıra siyasi bəyanatların qəbul ediləcəyi gözlənilir.

Ermənistanın müdafiə naziri Suren Papikyan Fransadan Lüksemburqa yola düşüb.

"Operativ Məlumat Mərkəzi-OMM" xəbər verir ki, bu barədə Ermənistan Müdafiə Nazirliyi məlumat yayıb.

Xatırladaq ki, Fransada səfərdə olan Papikyan bu ölkənin özüyeriyən "CAESAR" haubitsalarının tədarükü üçün müqavilə imzalayıb.

Bundan əvvəl Ermənistan Müdafiə Nazirliyi Parisdə aparılan danışıqlar zamanı nazirlərin hərbi-texniki əməkdaşlığa dair yeni razılaşmaların əldə edildiyini bildirmişdi.