Mirzoyan rusiyalı həmkarı Lavrova cavab verib: “Daxili işlərimizə qarışmayın”

Ermənistan xarici işlər naziri Mirzoyan Rusiya xarici işlər naziri Lavrovun “Erməni kilsəsinə edilən hücumlardan ciddi narahatıq” açıqlamasına “Lavrovun Ermənistanın daxili işlərinə qarışmaması daha düzgün olardı” deyə cavab verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Lavrovun "hakimiyyətin kilsəyə qarşı mübarizəsi" tərifindən istifadə etdiyini deyən Mirzoyan, "Lavrovun verdiyi məlumat qətiyyən həqiqəti əks etdirmir. Ermənistanda hüquqi proses gedir və bu, Ermənistanın daxili işidir. Lavrovun Ermənistanın daxili işlərinə qarışmaması daha düzgün olardı" deyib.

“Həm Rusiya rəsmiləri, həm parlamentarilər, həm də media ekspertləri Ermənistanın suverenliyinə daha çox hörmət göstərməli və bir daha daxili işlərimizə qarışmağa cəsarət etməməlidirlər”,- deyə o, qeyd edib.

Rusiya xarici işlər naziri Lavrov, "Erməni kilsəsinə edilən hücumlardan ciddi şəkildə narahatıq" deyərək açıqlama vermişdi.