Türkiyə Xarici İşlər Nazirliyi regionda baş verən son hadisələrlə bağlı rəsmi bəyanat yayıb.
"Operativ Məlumat Mərkəzi-OMM" xəbər verir ki, İsrail və ABŞ-nin İrana qarşı hücumları ilə başlayan və qarşılıqlı xarakter alan hərbi gərginlik həm regionun gələcəyini, həm də qlobal sabitliyi ciddi risk altına qoyur.
Nazirlik beynəlxalq hüquq normalarının pozulmasından və mülki şəxslərin həyatına təhlükə yaradan hərəkətlərdən dərin narahatlıq duyduğunu bildirib:
“Zorakılığın artmasına səbəb olan bütün təxribatlar qətiyyətlə pislənilir. Tərəflər hücumları dərhal dayandırmağa dəvət edilir. Mövcud problemlərin yalnız sülh yolu ilə həll edilməsinin vacibliyi vurğulanır”.
Bəyanatda həmçinin qeyd olunub ki, Türkiyə tərəflər arasında vasitəçilik missiyasını yerinə yetirmək üçün lazımi dəstəyi verməyə hazırdır. Bununla yanaşı, bölgədə yaşayan Türkiyə vətəndaşlarının təhlükəsizliyinin prioritet məsələ olduğu və bu istiqamətdə bütün zəruri tədbirlərin görüldüyü diqqətə çatdırılıb.
