OMM Redaksiyası
Türkiyənin xarici işlər naziri Hakan Fidan regionda artan gərginliklə bağlı genişmiqyaslı diplomatik telefon trafiki həyata keçirib.
"Operativ Məlumat Mərkəzi-OMM" Türkiyə KİV-nə istinadən xəbər verir ki, nazir gün ərzində yeddi ölkənin xarici siyasət idarəsinin rəhbərləri ilə fərdi söhbətlər aparıb.
Hakan Fidan İran, İraq, Səudiyyə Ərəbistanı, Qətər, Suriya, Misir və İndoneziyadan olan həmkarları ilə danışıqlar aparıb.
Görüşlər zamanı regionda baş verən son hadisələr, xüsusilə hücumların sona çatdırılması və vəziyyətin sabitləşdirilməsi üçün atıla biləcək konkret addımlar ətraflı şəkildə müzakirə olunub.
Qeyd edək ki, bu diplomatik addımlar ABŞ və İsrail tərəfindən İrana qarşı başladılan hərbi əməliyyatlar fonunda baş tutur.
