Məsud Pezeşkian ABŞ ilə imzalanan tarixi sənədi şərh etdi

İran Prezidenti Məsud Pezeşkian ABŞ ilə imzalanan anlaşma memorandumunu “tarixi sənəd” kimi qiymətləndirib.

“Operativ Məlumat Mərkəzi-OMM” xəbər verir ki, Pezeşkian bununla bağlı X sosial şəbəkəsində paylaşım edib.

İran lideri bildirib ki, sülh yalnız qarşılıqlı hörmət əsasında mümkün ola bilər.

“Sülh qarşılıqlı hörmətin kölgəsində əldə ediləcək”, - deyə Pezeşkian vurğulayıb.

O qeyd edib ki, İran İslam Respublikası öz ləyaqətini və müstəqilliyini qorumaqla yanaşı, qlobal sülhün, tərəqqinin və regional əməkdaşlığın inkişafına sadiq qalır.

Prezidentin sözlərinə görə, əldə olunan razılaşma regionda sabitliyin möhkəmlənməsinə və dövlətlər arasında əməkdaşlığın genişlənməsinə töhfə verə bilər.

Pezeşkian həmçinin vurğulayıb ki, İran beynəlxalq münasibətlərdə qarşılıqlı hörmət və konstruktiv dialoq prinsiplərinə əsaslanan siyasət yürütmək niyyətindədir.