Almaniya kansleri Fridrix Merts və Fransa prezidenti Emmanuel Makron Avropa iqtisadiyyatının dirçəldilməsi tədbirləri ilə bağlı ortaq fikirlərini vurğulayıblar.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Merts ötən gün Belçikada keçirilən qeyri-rəsmi Aİ liderləri sammiti çərçivəsində Makronla birgə çıxışında deyib ki, onlar Avropa İttifaqının daha sürətli olmasını istəyir.
"Biz onun daha yaxşı olmasını istəyirik. Hər şeydən əvvəl, Avropada rəqabətli sənayemizin olmasını təmin etmək istəyirik", - o qeyd edib.
Fransa Prezidenti də qeyd edib ki, o və Merts Avropa tərəfindən qətiyyətli tədbirlərin görülməsinin vacibliyi barədə fikirlərini bölüşürlər.
Qeyd edək ki, Belçikanın Alden-Biesen qəsrində keçirilən qeyri-rəsmi sammit bürokratiya, vahid Avropa bazarındakı maneələr, yüksək enerji qiymətləri və Çin və ABŞ-dan artan rəqabət səbəbindən çətinlik çəkən Aİ iqtisadiyyatının rəqabət qabiliyyətinə yönəlib.
