Afət Ziyadqızı
Meksika donanmasına məxsus hərbi helikopterin Lazaro Kardenas limanı yaxınlığında okean patrul gəmisinin göyərtəsindən havaya qalxdıqdan qısa müddət sonra Sakit Okeana düşüb.
"Operativ Məlumat Mərkəzi-OMM" xəbər verir ki, bu barədə Hərbi Dəniz Qüvvələrindən verilən açıqlamada bildirilib.
Açıqlamada limandan təqribən 370 kilometr aralıda okeana düşən helikopterdəki 8 donanma personalından 3-nün öldüyü, 2-nin itkin düşdüyü, xilas edilən 3 nəfərin xəstəxanaya yerləşdirildiyi və vəziyyətlərinin ağır olduğu bildirilib.
İtkin düşənlərin axtarışları davam edərkən, qəza ilə bağlı araşdırmalara başlanılıb.
