ABŞ-nin Oklahoma ştatında kütləvi silahlı hücum qeydə alınıb. İnsident nəticəsində onlarla insanın xəsarət aldığı bildirilir.
"Operativ Məlumat Mərkəzi-OMM" yerli polisə istinadən xəbər verir ki, atışma yerli vaxtla saat 21:00 radələrində Arkadiya gölü yaxınlığında baş verib.
Hüquq-mühafizə orqanlarına ərazidən atəş səsləri ilə bağlı çox sayda şikayət daxil olub.
Məlum olub ki, silahlı hücum gənclərin toplaşdığı əyləncə məclisi zamanı həyata keçirilib.
İlkin ehtimallara görə, hadisə nəticəsində müxtəlif dərəcəli bədən xəsarətləri alan ən azı 10 nəfər təcili olaraq xəstəxanaya çatdırılıb.
Hazırda polis ərazidə təhlükəsizlik tədbirlərini gücləndirib və cinayətkarların axtarışını davam etdirir.
