İranın ali rəhbəri ayətullah Əli Xameneinin ölüm xəbərindən sonra ölkə daxilində kütləvi matəm mərasimləri başlayıb.
"Operativ Məlumat Mərkəzi-OMM" İran dövlət televiziyasına istinadən xəbər verir ki, Xameneinin ABŞ və İsrailin birgə hücumu nəticəsində həyatını itirdiyini rəsmən təsdiqləyib.
"Tasnim" agentliyinin yaydığı məlumata görə, ali rəhbər fevralın 28-i səhər saatlarında öz ofisində qətlə yetirilib.
"Fars" agentliyi isə bildirir ki, hücum zamanı Əli Xamenei ilə yanaşı, onun ailəsinin dörd üzvü, o cümlədən qızı da həlak olub.
Hadisə ilə bağlı ölkənin bütün məscidlərində matəm bayraqları qaldırılıb. Küçələrə axışan minlərlə iranlı ali rəhbərin qətlinə görə qisas çağırışları edir.
Məlumata görə, fevralın 28-də ABŞ və İsrail qüvvələri Tehran da daxil olmaqla İranın müxtəlif bölgələrinə silsilə zərbələr endirib.
Hücumlar nəticəsində ciddi dağıntıların olduğu və mülki şəxslərin həlak olduğu bildirilir.
Buna cavab olaraq İran tərəfi İsrail ərazisinə və ABŞ-ın Yaxın Şərqdəki hərbi obyektlərinə raket zərbələri endirib.
