ABŞ-nin elektrikli avtomobil istehsalçısı "Tesla"nın İdarə Heyəti şirkətin baş direktoru İlon Maska təxminən 29 milyard dollar dəyərində səhmlərin mükafat olaraq veriləcəyini elan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Tesla" İdarə Heyətinin səhmdarlara göndərdiyi məktubda, Maskın 2017-ci ildən bəri heç bir performans ödənişi almadığı xatırladılıb.
2018-ci ilə aid performans ödənişinin hüquqi əngəllərə görə tətbiq edilmədiyi və Delaver məhkəmələrində bunun bərpası üçün mübarizə aparıldığı bildirilib.
Bu çərçivədə təxminən 29 milyard dollar dəyərində olan 96 milyon səhmin, iki il ərzində şirkətdə qalmaq şərti ilə Maska veriləcəyi bildirilib.
