"Tesla"nın CEO-su Elon Mask may ayından etibarən ABŞ administrasiyasında “hökumətin səmərəliliyi departamenti” kimi tanınan "Doge"dəki vəzifəsindən istefa verəcəyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bu qərar "Tesla"nın 2025-ci ilin birinci rübündə mənfəət və gəlirlərində əhəmiyyətli bir azalma yaşadığı bir vaxtda verilib.
İnvestorlarla görüşdə danışan Mask “hökumətin maliyyə nizamını təmin etmək üçün işlərin böyük ölçüdə tamamlandığını” bildirib.
"Yəqin ki, may ayından etibarən mənim "Doge"yə ayırdığım vaxt əhəmiyyətli dərəcədə azalacaq", - Mask deyib.
