Mart ayının pensiya ödənişləri qarşıdan gələn bayramlarla əlaqədar olaraq respublika üzrə qrafikdən əvvəl tam başa çatdırılıb.
“Operativ Məlumat Mərkəzi-OMM” xəbər verir ki, bu barədə Əmək və Əhalinin Sosial Müdafiəsi Nazirliyi rəsmi məlumat yayıb.
Martın 6-da Bakı, Sumqayıt şəhərləri və Abşeron rayonunda, habelə Naxçıvan Muxtar Respublikasında, bu gün isə Azərbaycanın bölgələrində qeydiyyatda olan şəxslərin mart ayı üzrə pensiyaları, həmçinin güzəştli şərtlərlə təyin edilmiş pensiyalar vətəndaşların hesablarına köçürülüb.
Bu ayın müavinət, təqaüd və ünvanlı sosial yardımları da qrafikdən əvvəl olmaqla, Novruz və Ramazan bayramlarına qədər tam ödəniləcək.
