Qarşıdan gələn bayramlarla əlaqədar olaraq, mart ayının müavinət, təqaüd və ünvanlı sosial yardımları bu gün tam ödənilib.
“Operativ Məlumat Mərkəzi-OMM” xəbər verir ki, bu barədə rəsmi məlumatı Əmək və Əhalinin Sosial Müdafiəsi Nazirliyi yayıb.
Bununla da qurum mart ayının bütün sosial ödənişlərini nəzərdə tutulan qrafikdən əvvəl başa çatdırıb.
Xatırladaq ki, bundan əvvəl martın 6-da Bakı, Sumqayıt şəhərləri, Abşeron rayonu və Naxçıvan Muxtar Respublikasında yaşayan vətəndaşların ödənişləri həyata keçirilmişdi.
Həmçinin, martın 11-də digər bölgələrdə yaşayan pensiyaçıların və güzəştli şərtlərlə pensiya təyin edilmiş şəxslərin mart ayı üzrə pensiyaları da qrafikdən əvvəl ödənilmişdir.
