"Mançester Siti" yay transfer pəncərəsində müdafiə xəttini gücləndirmək məqsədilə "Feyenoord" klubunun 19 yaşlı niderlandlı sağ cinah müdafiəçisi Qivayro Ridi transfer etməyi planlaşdırır.
"Operativ Məlumat Mərkəzi-OMM" xəbər verir ki, bu barədə “Sky Sports” nəşri məlumat yayıb.
Lakin bu gənc istedadı əldə etmək üçün İngiltərə təmsilçisi "Bavariya" ilə ciddi rəqabət aparmalı olacaq.
19 yaşlı futbolçu "Feyenoord"un əsas komandasında 2024-cü ilin fevralında debüt edib.
O vaxtdan bəri Erediviziya təmsilçisinin heyətində 50 oyuna çıxaraq, 4 qol və 11 məhsuldar ötürmə ilə yadda qalıb.
Bu cür yüksək performans bir çox nəhəng klubların diqqətini çəkib.
Pep Qvardiolanın sərəncamında yeganə nominal sağ müdafiəçi Riko Lüisdir, lakin o, əsas heyətdə möhkəmlənə bilməyib. Bu mövqedə daha çox Mateus Nunes çıxış edir.
"Bavariya": Saşa Boenin "Galatasaray" klubuna icarəyə verilməsindən sonra sağ cinahda boşluq yaranıb. Hazırda bu mövqedə müvəqqəti olaraq Konrad Laymer və Yosip Stanişiç oynayır.
