İngiltərənin "Mançester Siti" klubunun təcrübəli müdafiəçisi Con Stounz yay transfer pəncərəsində komandanı tərk edəcək.
"Operativ Məlumat Mərkəzi-OMM" xəbər verir ki, bu barədə tanınmış idman insayderi Fabritsio Romano məlumat yayıb.
Məlumata görə, 31 yaşlı futbolçunun klubla müqaviləsi başa çatır və o, karyerasında yeni bir çağırış axtardığı üçün sözləşməni yeniləmək niyyətində deyil.
Bu, "Mançester Siti" üçün növbəti ciddi itki hesab olunur.
Bundan əvvəl komandanın digər aparıcı oyunçusu Bernardu Silvanın da gedişi barədə xəbərlər yayılmışdı.
Mütəxəssislərin fikrincə, bu ayrılıqlar komandada gözlənilən böyük dəyişikliklərin xəbərçisidir.
Dəyişiklikləri isə ya Pep Qvardiola, ya da onun xələfi həyata keçirəcək (ispaniyalı mütəxəssisin də klubu tərk edəcəyi barədə şayiələr gəzir).
Qeyd edək ki, Con Stounz "Mançester Siti"yə düz 10 il əvvəl "Everton"dan transfer olunub.
