Malayziya BRICS-ə qoşulmaq istəyir.
"Operativ Məlumat Mərkəzi-OMM" xəbər verir ki, bu barədə ölkənin beynəlxalq ticarət və sənaye naziri Tenku Zafrul Əziz bildirib.
O qeyd edib ki, ölkə İqtisadi Əməkdaşlıq və İnkişaf Təşkilatına da (OECD) qoşulmağı düşünür.
"Hökumət ölkənin maraqlarını təmin etmək üçün çox istiqamətli yanaşmadan istifadə edəcək. Bu, Malayziyanın yalnız BRICS-də deyil, Malayziyanın beynəlxalq birliyin inkişafına töhfə verə biləcəyi OECD kimi digər uyğun təşkilatlarda iştirak etməyi düşünməsinin əsas səbəblərindən biridir".
