Fransa prezidenti Emmanuel Makron martın 11-də Parisdə toplaşan 30-a yaxın ölkənin Baş Qərargah rəislərini Ukrayna üçün “etibarlı təhlükəsizlik təminatları” yaradan planın hazırlanmasına başlamağa çağırıb.
"Operativ Məlumat Mərkəzi-OMM" xəbər verir ki, bu barədə Fransa mətbuatı Yelisey sarayının kommünikesinə istinadən məlumat yayıb.
“Sülh danışıqlarının sürətlənməsini nəzərə alaraq, Ukraynada möhkəm və davamlı sülhün mümkün olması üçün etibarlı təhlükəsizlik təminatlarını müəyyən etmək üçün bu gün biz konsepsiyadan plana keçməliyik”, - Fransa prezidentinin ofisindən bildirilib.
Həmçinin qeyd edilib ki, görüş iştirakçıları təhlükəsizlik təminatlarının “NATO və onun imkanlarından ayrılmaması” mövzusunda razılaşıblar.
Makronun təşəbbüsü ilə Ukraynada gələcək sülhün təminatına hazır olan ölkələrin hərbi idarə rəhbərlərinin beynəlxalq görüşü keçirilib.
