Mərkəz yarımmüdafiəçisi axtarışlarını davam etdirən “Ayaks” Türkiyənin “Alanyaspor” klubunda çıxış edən 22 yaşlı qabonlu futbolçu Maestro ilə bağlı ilkin təmaslar qurub.
"Operativ Məlumat Mərkəzi-OMM" xarici KİV-ə istinadən xəbər verir ki, hollandiya təmsilçisinin, eyni zamanda, Super Liqada çıxış edən ulduz yarımmüdafiəçi Vilfred Ndidi ilə də maraqlandığı bildirilir.
Maestro 2025-ci ilin iyul ayında “Alanyaspor”a qoşulub və onun klubla müqaviləsi 2029-cu ilin iyun ayına qədər qüvvədədir.
2025/2026 mövsümündə Super Liqada 15 oyuna çıxan yarımmüdafiəçi 1 qol və 1 məhsuldar ötürmə ilə yadda qalıb.
“Transfermarkt” portalı futbolçunun bazar dəyərini 4 milyon avro olaraq qiymətləndirir.
Qabonlu oyunçu ilə “Fənərbaxça” və “Trabzonspor”un da maraqlandığı bildirilir. 2025-ci ilin dekabrında yayılan məlumatlara görə, “Alanyaspor” futbolçu üçün 6–10 milyon avro aralığında qiymət müəyyən edib. Həmin dövrdə “Fənərbaxça”nın Maestro üçün 4,5 milyon avroluq təklif irəli sürdüyü qeyd olunurdu.
