"Qarabağ"ın qapıçısı Andrey Lunyov Rusiya milli komandasının təlim-məşq toplanışına qatılıb.
"Operativ Məlumat Mərkəzi-OMM"-in xəbərinə görə, bu barədə milli komandanın rəsmi teleqram kanalında məlumat verilib.
Bu, Andrey üçün son iki il yarımda ilk çağırışdır.
Bu mövsüm Lunyov Azərbaycan komandası üçün 25 oyun keçirib və 32 qol buraxıb.
Martın 21-də Rusiya millisi Serbiya milli komandasına qarşı yoldaşlıq görüşü keçirəcək. Oyun "VTB Arena" stadionunda keçiriləcək.
Martın 25-də Valeri Karpinin komandası Paraqvay millisi ilə qarşılaşacaq.