Livanın Baş naziri Nəcib Mikati İsrail qüvvələrinin ölkənin cənub ərazilərindən çıxarılması üçün konkret qrafikin hazırlanmasının vacibliyini bildirib.
“Operativ Məlumat Mərkəzi – OMM” xəbər verir ki, Mikati cümə günü verdiyi açıqlamada bu addımın regionda sabitliyin bərpası baxımından mühüm əhəmiyyət daşıdığını vurğulayıb.
Siyasi gərginliyin davam etdiyi bir vaxtda rəsmi Beyrut ölkənin cənubunda yerləşən pilot zonaların əhatə dairəsinin genişləndirilməsini də təklif edib.
Bu təşəbbüsün əsas məqsədinin bölgədə təhlükəsizlik vəziyyətinə nəzarəti gücləndirmək və mülki əhalinin təhlükəsizliyini təmin etmək olduğu bildirilir.
Livan rəhbərliyi uzun müddətdir İsrailin sərhəd bölgələrindəki hərbi mövcudluğuna son qoyulması üçün beynəlxalq ictimaiyyəti və vasitəçiləri fəal mövqe nümayiş etdirməyə çağırır.
