Afət Ziyadqızı
"Moskva postsovet məkanını xarici siyasətinin əsas prioritetləri sırasında görür".
“Operativ Məlumat Mərkəzi-OMM” xəbər verir ki, bu sözləri Rusiyanın xarici işlər naziri Sergey Lavrov “TV BRICS” beynəlxalq telekanalına verdiyi müsahibədə deyib.
Onun sözlərinə görə, Rusiya üçün Müstəqil Dövlətlər Birliyi (MDB), Avrasiya İqtisadi Birliyi (AAİB) və Kollektiv Təhlükəsizlik Müqaviləsi Təşkilatı (KTMT) xüsusi əhəmiyyət daşıyır. Lavrov bildirib ki, bu istiqamətdə fəaliyyət Prezident tərəfindən təsdiqlənmiş Xarici Siyasət Konsepsiyasına əsaslanır.
Nazir qeyd edib ki, tərəfdaş ölkələrlə ticarət, iqtisadi, investisiya və elmi sahələrdə əməkdaşlıq üzrə konkret planlar hazırlanır və bu proses uzunmüddətli, qarşılıqlı fayda prinsipi üzərində qurulub.
