“Rusiya Ukraynadakı nizamlama ilə bağlı parametrlər üzrə ABŞ-lə razılığa gəldikdən sonra Vaşinqton yeni sanksiyalar tətbiq edib”.
“Operativ Məlumat Mərkəzi – OMM” xəbər verir ki, bu fikri Rusiyanın xarici işlər naziri Sergey Lavrov RT-yə verdiyi müsahibədə bildirib.
Onun sözlərinə görə, Rusiyanın ən böyük neft şirkətləri olan “Lukoil” və “Rosneft”ə qarşı sanksiyalar Rusiya və ABŞ Prezidentlərinin Alyaskanın Ankoric şəhərində keçirilən görüşündən iki-üç həftə sonra tətbiq edilib.
Lavrov qeyd edib ki, Rusiya Prezidenti Vladimir Putin sanksiyaların tətbiq olunmasından təəccüblənib.
Nazir bildirib ki, Ankoricdə keçirilən görüş zamanı Rusiya ABŞ-nin Ukrayna böhranının hərtərəfli həlli ilə bağlı təklifini dəstəkləyib, lakin bundan sonra tərəflərin mövqeləri ayrılıb.
Diplomat əlavə edib ki, Alyaskadakı görüşdən sonra Rusiya tərəfi Vaşinqtonun əldə olunan razılaşmaları müzakirə etmək üçün konfrans çağıracağını gözləyirdi, lakin bunun əvəzinə ABŞ yeni sanksiyalar tətbiq edib.
