"Tottenhem"in müdafiəçisi və Argentina yığmasının kapitanı Kristian Romero klub rəhbərliyinə komandada qalmaq və kollektivin Roberto de Dzerbinin rəhbərliyi altında yenidən formalaşdırılması prosesində iştirak etmək istədiyini bildirib.
"Operativ Məlumat Mərkəzi-OMM" xəbər verir ki, bu barədə "Sportsboom" nəşri məlumat yayıb.
Məlumata görə, futbolçu "Mançester Yunayted"in ona olan ciddi marağına baxmayaraq, karyerasını məhz London təmsilçisində davam etdirmək niyyətindədir.
Qeyd edək ki, "Mançester Yunayted" bu transfer üçün təxminən 65 milyon avro ödəməyə hazır idi.
Xatırladaq ki, bir müddət əvvəl Romeronun gələcəyi ilə bağlı qeyri-müəyyənlik hökm sürürdü.
Mövsümün son turunda heyətdə yer almaması və klubdan ayrılacağı ilə bağlı yayılan şayiələr onun yay transfer pəncərəsində komandanı tərk edəcəyi ehtimallarını gücləndirmişdi.
Lakin futbolçunun mövqeyindəki bu dəyişiklik transfer bazasındakı vəziyyəti tamamilə dəyişib.
