Rusiya, Ukrayna və ABŞ arasında münaqişənin nizamlanmasına dair növbəti üçtərəfli danışıqların vaxtı və yeri dəqiqləşdikdən sonra ictimaiyyətə məlumat veriləcək.
"Operativ Məlumat Mərkəzi-OMM" Rusiya KİV-ə istinadən xəbər verir ki, bu barədə Rusiya prezidentinin mətbuat katibi Dmitri Peskov bildirib.
Jurnalistlərin növbəti görüşün gələn həftə Cenevrədə keçiriləcəyi ilə bağlı suallarını cavablandıran Kreml rəsmisi hələlik dəqiq bir məlumatın olmadığını vurğulayıb:
"Xeyr, hələlik bunu təsdiq edə bilmərəm". Tam razılıq əldə olunduqdan sonra, son zamanlar etdiyimiz kimi, sizi məlumatlandıracağıq".
Xatırladaq ki, fevralın 18-də Rusiya nümayəndə heyətinin rəhbəri Vladimir Medinski Cenevrədə keçirilən iki raundluq danışıqlardan sonra Ukrayna üzrə yeni görüşün yaxın vaxtlarda baş tutacağını bəyan etmişdi.
