OMM Redaksiyası
İran ətrafında yaranmış mövcud vəziyyətdə misilsiz gərginlik artımı müşahidə olunur.
“Operativ Məlumat Mərkəzi-OMM” “RİA Novosti”yə istinadən xəbər verir ki, bu barədə Rusiya Prezidentinin mətbuat katibi Dmitri Peskov məlumat verib.
Kreml rəsmisi regiondakı vəziyyətin olduqca kritik olduğunu vurğulayıb:
"Hazırda biz regionda həqiqətən də misilsiz eskalasiya görürük".
Peskov qeyd edib ki, rəsmi Moskva yaranmış şəraitdə siyasi-diplomatik vasitələrin prioritet olacağına ümid edir.
O, həmçinin bütün tərəfləri maksimum təmkin nümayiş etdirməyə çağırıb.
Qeyd edək ki, daha əvvəl ABŞ prezidenti Donald Tramp administrasiyasının yaxın istirahət günlərində İrana zərbələr endirmək imkanlarını nəzərdən keçirdiyi barədə məlumatlar yayılmışdı. Hazırda Ağ Evdə münaqişənin genişlənməsi riskləri qiymətləndirilir.
