Rusiya Prezidenti Vladimir Putinlə ABŞ-nin yeni seçilmiş prezidenti Donald Tramp arasında telefon danışığının baş tutması istisna edilmir.
“Operativ Məlumat Mərkəzi-OMM” xəbər verir ki, bunu Kremlin mətbuat katibi Dmitri Peskov bildirib.
Onun sözlərinə görə, belə bir telefon danışığı ABŞ nümayəndələrinin Moskva və Kiyevə səfərinin nəticələrinə əsasən keçirilə bilər.
Sentyabrın 5-6-da ABŞ Prezidentinin xüsusi nümayəndəsi Stiv Uitkoff və Donald Trampın kürəkəni Cared Kuşner həm Moskvaya, həm də Kiyevə səfər ediblər.
Moskva səfəri çərçivəsində amerikalı nümayəndələr Vladimir Putinlə görüşüblər. Danışıqların üç saatdan çox davam etdiyi bildirilib.
Dmitri Peskov qeyd edib ki, Putin və Tramp arasında telefon danışığı baş tutacağı təqdirdə Kreml bununla bağlı ictimaiyyətə rəsmi məlumat verəcək.
Hazırda tərəflər arasında mümkün telefon danışığının konkret vaxtı və formatı ilə bağlı hər hansı razılaşma açıqlanmayıb.
