Kreml ABŞ və Venesuela arasında gərginliyin artması ilə bağlı açıqlama verdi

Rusiya bütün ölkələri Venesuela vəziyyətində gözlənilməz inkişafların qarşısını almaq üçün təmkinli olmağa çağırır.

"Operativ Məlumat Mərkəzi-OMM" xəbər verir ki, bunu Rusiya Prezidentinin mətbuat katibi Dmitri Peskov brifinq zamanı bildirib.

Kremlin sözçüsü qeyd edib ki, Rusiya tərəfi regionda gərginliyin artdığını görür. O, bu vəziyyətin potensial olaraq çox təhlükəli olduğunu bildirib.

Kremlin sözçüsü bildirib ki, "Venesuela bizim müttəfiqimiz və tərəfdaşımızdır; biz ən yüksək səviyyələr də daxil olmaqla, müntəzəm əlaqələr saxlayırıq. Rusiya Prezidenti Vladimir Putin bu yaxınlarda Venesuela lideri Nikolas Maduro ilə danışıb. Biz regiondakı bütün ölkələri vəziyyətin gözlənilməz inkişafından qaçınmaq üçün təmkinli olmağa çağırırıq".