Kosovoda gərginlik davam edir

Kosovonun Zveçan şəhərində gərginlik davam edir.

"Operativ Məlumat Mərkəzi-OMM" xarici KİV-ə istinadən xəbər verir ki, etnik serblər erkən saatlardan etibarən yenidən bələdiyyə binası qarşısında toplaşmağa başlayıblar.

Aksiya iştirakçıları alban əsilli bələdiyyə rəislərinin istefa verməsini tələb edilər. Onlar ötən həftə bu vəzifəyə seçiliblər. Əvvəlki etiraz aksiyaları zamanı bir qrup fəal bələdiyyə binasına müdaxilə etməyə çalışıb.

NATO əsgərləri ilə yaranmış qarşıdurmada 30 NATO əsgəri yaralanıb. NATO rəhbərliyi vəziyyətə nəzarəti ələ almaq üçün Kosovoya əlavə 700 hərbçi göndərib. Gərginliklə əlaqədar Serbiya hökuməti də Kosovo ilə sərhədlərdə əlavə qoşunlar cəlb edib.

Qeyd edək ki, Kosovo 2008-ci ildə Serbiyadan müstəqillik əldə etsə də, rəsmi Belqrad onun suverenliyini tanımır. Hazırda Kosovoda əhalinin əksəriyyətini etnik albanlar təşkil edir.