İran Hörmüz boğazında iki tankerin partlamasına görə ABŞ-ni məsul tutub.
“Operativ Məlumat Mərkəzi-OMM” xəbər verir ki, bu barədə İran İslam İnqilabı Keşikçiləri Korpusu (İİKK) açıqlama yayıb.
Məlumata görə, İİKK tankerlərin ABŞ ordusunun təzyiqi nəticəsində təhlükəli hesab edilən marşrutdan istifadə etməyə məcbur qaldığını iddia edib. Qurum hadisəyə görə birbaşa Vaşinqtonu məsuliyyətli hesab etdiyini bildirib.
Bəyanatda qeyd olunub ki, ABŞ-nin regiondakı fəaliyyətləri davam etdiyi müddətdə Hörmüz boğazının neft, qaz və digər strateji yüklərin daşınması üçün təhlükəsiz olmayacağı vurğulanıb.
İİKK həmçinin bildirib ki, Hörmüz boğazı ayın əvvəlindən bütün gəmiçilik üçün bağlanıb və ABŞ-nin müdaxilələri dayandırılmayacağı təqdirdə su yolunun bağlı qalacağını açıqlayıb. Hadisə ilə bağlı ABŞ tərəfindən hələlik rəsmi açıqlama verilməyib.
