OMM Redaksiyası
“Bavariya”nın baş məşqçisi Vensan Kompani Maykl Olisenin Çempionlar Liqasının ümumi mərhələsinin ikinci turunda “Vikinq”lə keçirilən oyunda qırmızı vərəqə almasına münasibət bildirib. Norveçdə baş tutan qarşılaşma 3:3 hesabı ilə yekunlaşıb.
“O, səhv etdiyini anlayır. Baş verənlərə və komandanı pis vəziyyətdə qoyduğuna görə peşman olduğu görünür. Bu, normaldır, belə hallar olur. Bu gün final və ya yarımfinal deyildi, amma bu cür epizodlar mövsümün taleyinə həlledici təsir göstərə bilər”, – Kompani Bild-ə açıqlamasında deyib.
Məşqçinin sözlərinə görə, o, Oliseyə rəqibin onu üstələdiyini bildirib: “Rəqibindən xeyli güclü olanda bəzən sadəcə öz işini görməli, lazımsız vəziyyətlərə qoşulmaq əvəzinə onu üstələməyə köklənməlisən. İndi heç nəyi dəyişə bilmərik. Ümid edirəm, gələcəkdə bu epizoda qayıdıb ondan dərs çıxardığımızı deyə biləcəyik”.
Olise 73-cü dəqiqədə rəqibə qarşı qayda pozuntusuna görə sarı vərəqə alıb. Daha sonra topu rəqib futbolçunun üzünə atdığı üçün ikinci sarı vərəqə ilə cəzalandırılıb və meydandan qovulub. O, “Arsenal”la oyunda iştirak edə bilməyəcək.
