“Bavariya” azlıqda “Vikinq”lə heç-heçə etdi: 3:3

Çempionlar Liqasının 2026/2027 mövsümünün ümumi mərhələsinin ikinci turunda “Vikinq”lə “Bavariya” 3:3 hesablı heç-heçə edib. Norveçin “Lyuse Arena” stadionunda keçirilən görüşdə meydan sahibləri iki top fərqi ilə önə keçib.

Gianni Stensness 2-ci, Peter Kristiansen isə 38-ci dəqiqədə fərqlənərək “Vikinq”i 2:0 hesabı ilə irəli çıxarıb. Harri Keyn 54-cü dəqiqədə penaltini dəqiq yerinə yetirib, 60-cı dəqiqədə dubl edib. Luis Dias 71-ci dəqiqədə “Bavariya”nı hesabda önə keçirib.

74-cü dəqiqədə Maykl Olise ikinci sarı vərəqəni alaraq meydandan qovulub. Azlıqda qalan Münhen təmsilçisi 90-cı dəqiqədə Herman Haugenin qoluna mane ola bilməyib və qarşılaşma heç-heçə başa çatıb. Olise “Arsenal”la növbəti oyunu buraxacaq.

Üçüncü turda “Vikinq” oktyabrın 21-də “Aston Villa” ilə, “Bavariya” isə həmin gün “Arsenal”la qarşılaşacaq.