İsrailin Qəzza zolağının şimalında BMT-nin Fələstinli Qaçqınlara Yardım və İşlər üzrə Agentliyinin nəzarətində olan məktəbə hücumu nəticəsində ən azı 17 fələstinli həlak olub.
"Operativ Məlumat Mərkəzi-OMM" xəbər verir ki, bu barədə WAFA agentliyi məlumat yayıb.
Məlumata görə, İsrail döyüş təyyarələrinin endirdiyi zərbənin hədəfi son aylarda köçkünlər üçün mərkəz kimi istifadə edilən Cəbəliyədəki Əbu Hüseyn məktəbi binası olub.
Ölənlər arasında qadınlar, yeniyetmələr və qocalar da var.
İsrailin hücumu nəticəsində onlarla insanın yaralandığı bildirilir.
