İyunun 10-da İsrail qüvvələri Yəmənin qərbindəki Hodeyda limanına iki hava hücumu həyata keçirib.
"Operativ Məlumat Mərkəzi-OMM" xəbər verir ki, bu barədə husilərə məxsus “Al Masirah” telekanalı məlumat yayıb.
İsrailin zərbələrinin məqsədi Yəməni Fələstin xalqına dəstəyi dayandırmağa məcbur etməkdir.
Qeyd olunur ki, İsrailin hücumlarına baxmayaraq, Yəmən silahlı qüvvələri Qəzza zolağına dəstək məqsədilə Fələstin ərazilərində İsrail hədəflərinə qarşı əməliyyatları davam etdirir.
İsrail ordusunun bəyanatında deyilir ki, zərbələr limanın hərbi məqsədlər üçün istifadəsini dayandırmaq üçün edilib.
