Dörd israilli girovun qalıqları Beynəlxalq Qızıl Xaç Komitəsinin nümayəndələri tərəfindən Qəzza zolağında İsrail hərbi rəsmilərinə təhvil verilib.
"Operativ Məlumat Mərkəzi-OMM" xarici KİV-ə istinadən xəbər verir ki, bununla bağlı yəhudi dövlətinin baş naziri Benyamin Netanyahunun ofisi məlumat yayıb.
"İsrail Qızıl Xaç vasitəsi ilə ölən 4 girovun cəsədinin olduğu tabutları qəbul edib. Tabutlar Qəzza zolağında İDF qüvvələrinə təhvil verilib və oradan İsrailə aparılacaq", - deyə məlumatda bildirilir.
Baş nazirin şöbəsi əlavə edib ki, Əbu Kabir Milli Məhkəmə Ekspertizası Mərkəzində qalıqların tanınması prosesi başa çatdıqdan sonra "ailələrə rəsmi bildiriş göndəriləcək".
